[i 554]
DE LA VILLE DE PARIS.
251
vons entendue ny ne voullons avoir lieu pour le re­gard dud. m0Alexandre Du Carel, attendu l'octroy que avons faict à luy et aud. deffunct son oncle de nosd. lettres de naturalité, ainsy que dict est cy dessus.
» A ceste cause, nous voullons et vous mandons que, sans vous arrester à vostred. difficulté, vous ayez à faire payer comptant aud. Du Carel, tous les arre­raiges qui se trouveront estre deubz de lad. rente de mil livres tournois ainsi à luy advenue par le trespas dud. deffunct son oncle, comme dict est cy dessus; et doresnavant luy en continuez le payement, sans
plus y user de remise, longueur ne difficulté : car tel est nostre plaisir.
"Donné à Fontainebleaue, le dernier jour de De­cembre mil vc mu. "
Signé .-HENRY. Et au dessoubz : Bourdin.
Et au dos desd, lettres est escript : A noz 1res chers et bien amez les Prevost des Marchans et Eschevins de nostre [bonne] Ville de Paris.
[Et a esté receues le 11e jour de Janvier 15 53..]
CCCCL. — Lettres, à la Ville, de Monseigneur le Connestable,
DONT LA TENEUR ENSUYT. Reçues le 2 janvier 1554. (B fol. 267 r°0
Messieurs,
"Le Roy, par ses lettres patentes qu'il a octroyées, à ma requeste, à l'abbé de Bonne Combe, Messire Alexandre Du Carrel, lesquelles, à ce qu'il m'a faict entendre, vous ont esté communicquées, a declaré son vouloir estre que led. Du Carrel succeddé à feu .son oncle Monsr l'Evesque de Cahors, mon cousin, comme son vray et naturel heritier, sans qu'on peust pretendre la succession dud. feu Evesque luy apar­tenir par droict d'aubeine; ce que led. S-7 vous faict bien amplement entendre par une missive qu'il vous escript presentement, affin que ne faciez plus diffi­culté de payer aud. Alexandre la rente de mil livres que sond, oncle avoyt constituée sur l'Hostel de la Ville de Paris.
"Et pour ce qu'il est de mes alliez et meil­leurs amys, je vous ay bien voulu escripre la pre-
sente pour vous prier bien affectueusement que, suivant l'intention et vouloir du Roy, tous ne diffe­riez plus de recepvoir led. Alexandre au lieu de sond, oncle, comme heritier, luy faisant paiement de lad. rente et des arreraiges qui en sont deubz ; et oultre ce que ferez chose que led. Sgr aura fort aggreable, vous me ferez fort grand plaisir que je recongnoistray en toutes choses qui vous toucheront d'aussy bon cueur que je prye Dieu, Mess™, qu'i vous doint ce que vous desirez. .
"De Fontainebleau, le premier jour de Janvier mil v° lui.
"Vostre bien bon amy,                                 .— .•
MoNTMORANCY. «
Et au doz est escript:
A Mess" hs Prevost des Marckans et Eschevins de la Ville de Paris™.
CCCCLI. — Denonciation des courtiers jurez de vins,
DONT LA TENEUR ENSUYT. 3 janvier 1554. (B fol. 368 r°.)
Du 111e jour de Janvier m v° lui.
«Au jour d'huy, Loys Gourdin, juré courtier de vins à Paris et l'un des procureurs de lad. com­munaulté desd, courtiers, Jehan Charpentier, Jehan Lalemant, Nicollas Maignard et Nicollas Richard, aussy courtiers de vins, ont décleré au Greffe de lad. Ville qu'ilz ont esté advertiz que le grenetier de Joigny et ung autre nommé Françoys Guignier
dud. Joigny, ont mis au basleau de Guillaume.Le Tort de Rouen la quantité de six cens muis de vin, à l'intention de les faire mener par led. voitturier à Rouen soubz le nom emprunté d'un bourgeois de ceste ville : par tant, suivant le serment par eulx à nous presté, nous ont dénoncé et dénoncent ce que dessus, comme ilz sont tenuz fere.
O Au Registre, la suscription précède indûment Ia signature.
32.